Уәделер

 

Матта 28:19-20  Сонлықтан да барып, барлық миллетлерди Маған шәкирт қылыңлар: оларды Әкениң, Улдың ҳәм Мухаддес Руўхтың аты менен шомылдырып,  Мениң сизлерге буйырғанларымның ҳәммесин орынлаўды оларға үйретиңлер. Минекей, Мен дүньяның ақырына дейин ҳәмме ўақыт сизлер менен бирге боламан! – деди. (Сиз шәкиртлер менен ислескениңизде, Өзи бирге болатуғынын Ийса Масих ўәде етеди)

Елшилердиң ислери 1:8  Бирақ сизлерге Мухаддес Руўх түскенде күш-қуўат аласызлар ҳәм Ерусалимде, пүткил Яҳудияда, Самарияда, ҳәтте, дүньяның шетине дейин Мениң гүўаларым боласызлар, – деди. (Басқаларға гүўалық берсек, қай жерге барсақ та, Қудай бизлерге күш береди)

Ийшая 41:10 Қорқпа, Мен сениң менен биргемен.

Қәўетерленбе, Мен сениң Қудайыңман.

Саған күш берип, жәрдемлесемен.

Жеңимпаз оң қолым менен сүйеймен.

Матта 16:18    Өз жәмәәтимди орнатаман.               (Ийса Масих усыны ИСЛЕЙДИ. Масихыйлар жеңимпаз тәрепте. Жәмәәтти дүзиўге ажыратылған ўақыт буған арзыйды)

Аян 7:9 Буннан соң қарасам, ҳәр түрли миллеттен, ҳәр түрли урыўдан, ҳәр түрли халықтан ҳәм ҳәр түрли тилден болған, ҳеш ким санай алмайтуғын үлкен топар тахтың ҳәм Қозының алдында тур еди. (Пүткил дүнья жүзи Қудайдың қадағалаўы астында ҳәм аспанда ҳәр бир мәденият көрсетиледи)