«2:7»
Ўзбек тилида 2:7 туркумининг 1–босқичи
Ўзбек тилида 2:7 туркумининг 2–босқичи
Ўзбек тилида 2:7 туркумининг 3–босқичи
Ўзбек тилида 2:7 туркумининг 4–босқичи
Ўзбек тилида 2:7 туркумининг 5–босқичи
Ўзбек тилида 2:7 туркумининг 6–босқичи
Колосаликларга 2:7 Шогирдларни ўстириш дастури
2:7 туркуми — жамоат аъзолари учун оммабоп ўқув дастури бўлиб, шогирдларни ўстиришга ёрдам беради. Мазкур дастур кўплаб ибодатлар, изланишлар, улкан тажриба ва орттирилган маҳорат натижасида юзага келган. Дастур олтита босқичдан иборат. Ҳар бир босқич масиҳийларнинг руҳий ўсишига ва имонда мустаҳкам бўлишига қаратилган. Қуйида келтирилган рўйхатдан ташқари дастур туркумига “Тематик тизими”га оид, ёд олиш учун 65–оят ва Муқаддас Китобни ўрганиш қисмининг турли мавзулари киритилган. Буларнинг ҳаммаси “NavPress” нашриёти томонидан тақдим қилинади.
Нима сабабдан бу дастур 2:7 туркуми деб номланган? Ушбу дастур Муқаддас Китобнинг Колосаликларга ёзилган мактубнинг 2–боб, 7–оятига асослангани боис, биз дастурга айнан шундай ном танлаган эдик. Колосаликларга 2:7–оятда шундай деб ёзилган: “Олган таълимотингизга мувофиқ, Масиҳда томир ёйиб, қарор топинг. Имонингизда қаттиқ туринг, Худога шукроналар тилингиздан тушмасин.”
2:7 туркуминиг мақсади қандай? Дастурнинг мақсади — Павлуснинг Колосаликларга ёзган мактубнинг 2:7–оятида аниқ ёритилган:
Биринчи мақсад — масиҳийларни имонда ўстириш, Масиҳда томир ёйдириб, қарор топтириш. Дастур таркибига Муқаддас Китобни ўрганиш учун амалий машқлар, оятларни ёд олиш учун кўрсатмалар, сокин вақт учун маслаҳатлар ва Хушхабар айтиш усуллари киритилган.
Иккинчи мақсад — ҳар куни Худога шукр айтишни ўргатиш. Дастур ёрдамида масиҳийлар кудалик ҳаётини Худога бағишлаб яшашни, ҳар қандай вазиятда Масиҳга ҳамроҳ бўлиб, ҳаётдан завқ олишни ўрганадилар.
Дастурнинг учинчи мақсади — масиҳийларга панд–насиҳат бериб, йўл–йўриқ кўрсатиш. Бу дегани, дастур имонга янги келган масиҳийлар учун мўлжалланган. Улар дастур ёрдамида Масиҳда қарор топиб, жамият учун нур ва туз бўлиб хизмат қиладилар.
2:7 туркуми қандай натижа беради? Ушбу дастурдан фойдаланиб, уни ўзлаштирган биродарларнинг аксарият қисми ўз жамоатларида хизмат қила бошладилар. Дастур натижасида оилалар янада мустаҳкам бўлди, иштирокчилар руҳан ўсдилар. Бу дастурни ўрганган имонлилар бошқаларга ҳам имонда ўсиш учун зарур ёрдам бера оладилар. Бунинг учун улар керакли ўқув қуролларига эга бўлиб, таълим беришнинг самарали усулларини ўзлаштириб олдилар. Улар нафақат имонлилар, балки имонсизлар билан ҳам қандай ишлаш кераклигини ўргандилар.
Умумий маълумотлар
2:7 туркумининг ҳар бир босқичи жами ўн икки дарсдан ташкил топган.
Гуруҳ кўпи билан саккиз аъзодан ташкил топиши керак, шунда етакчи дарс давомида ҳар бир иштирокчига эътибор бера олади. Шунингдек, кичкина гуруҳда аъзолар бир–бири билан яқинроқ танишиш имкониятига эга бўладилар.
Инглиз тилидаги олти босқичли дастур нашрга чиқмай қолган. Бироқ сиз қайта ишланган уч босқичли дастурни “NavPress” орқали олишингиз мумкин. Рус тилидаги дастурни сиз интернетдан кўчира олмайсиз, лекин 2:7 туркумига оид чоп этилган китобларни буюртма қилишингиз мумкин. Ўрта Осиё тилларига таржима қилинган нусҳаларни бемалол интернетдан олишингиз мумкин.
Босқичларнинг таърифи:
1. Биринчи босқич — имонли кишини Масиҳда қарор топтиришга қаратилган. Масиҳда мустаҳкам бўлиш учун қуйидагиларга эътибор берилган:
- Муқаддас Китобни ўқиб, ундан завқ олишни ўрганиш.
- Дастлабки бешта оятни ёд олиб, ёд олишнинг муҳимлигига иқрор бўлиш.
- Мунтазам равишда Худонинг ҳузурида сокин вақт ўтказиб, фикрларни ёзиб бориш.
- Масиҳ қалбимизнинг тўридан жой эгаллаши учун, Муқаддас Китобни ўрганиш.
2:7 туркумининг нашр этилган 1–босқичини буюртма қилинг
2:7 туркумининг Ўзбек тилига таржима қилинган 1–босқичини кўчиринг
2. Иккинчи босқич давомида сиз Масиҳни янада яқинроқ таниш имкониятига эга бўласиз. Масиҳийча ҳаётингиз янада мазмунли ва самарали бўлади. Буларга сиз қуйидагилар орқали эришасиз:
- Масиҳ ҳаётингизда нималар қилгани ҳақида гувоҳлик беришни ўрганасиз.
- Соатлаб ибодат қилишни, ярим кунингизни тоат–ибодатга бағишлашни тажриба қилиб кўрасиз.
- “Менинг қалбим — Масиҳ маскани” мавзусини ўқиб, уни муҳокама қиласиз.
- Масиҳийча ҳаёт мавзусига оид ниҳоятда муҳим бўлган 12–оятни ёд оласиз.
- Муқаддас Руҳга тўлиб яшашни ўрганасиз.
2:7 туркумининг нашр этилган 2–босқичини буюртма қилинг
2:7 туркумининг Ўзбек тилига таржима қилинган 2–босқичини кўчиринг
3. Учинчи босқич сизга Масиҳда улғайишга ёрдам беради. Ушбу босқичда сиз қуйидагиларни ўрганасиз:
- Оятлар борасида фикр юритишни машқ қиласиз
- “Кўприк” суратидан фойдаланган ҳолда, Хушхабар айтишни ўрганасиз
- Хушхабар айтишга оид 12–оятни ёд оласиз
- Масиҳ йўлида юриш учун талаб этиладиган муҳим қоидалар билан танишасиз
2:7 туркумининг нашр этилган 3–босқичини буюртма қилинг.
2:7 туркумининг Ўзбек тилига таржима қилинган 3–босқичини кўчиринг
4. Тўртинчи босқич давомида сиз Исо Масиҳнинг фаол шогирди бўлишни ўрганасиз. Бунга етишиш учун сиз янги мавзулари ўзлаштириб, қуйидагиларга амал қиласиз:
- Оятларни ёд оласиз, Худонинг ҳузурида сокин вақт ўтказасиз, Муқаддас Китобни ўқиб, мулоҳаза қиласиз.
- Феъл–атворингизни шакллантириш йўлларини ўрганасиз.
- “ЗАЙЛ” тушунчасини амалда қўллайсиз.
- “Кўприк” суратидан фойдаланган ҳолда, имонсизларга Хушхабар айтишни ўрганасиз.
2:7 туркумининг нашр этилган 4–босқичини буюртма қилинг.
2:7 туркумининг Ўзбек тилига таржима қилинган 4–босқичини кўчиринг
5. Бешинчи босқични ўзлаштирганингиздан кейин қуйидагиларни ўзингизга одат қилиб оласиз:
- Оятларни доимий равишда ёд олиб, уларни такрорлайсиз.
- Муқаддас Китобни ўқиб, мустақил равишда саволлар тузасиз. Муқаддас Китобни ўрганиш гуруҳига етакчилик қила оласиз.
- Сокин вақтни мунтазам равишда ўтказиб, Худонинг Каломида айтган сўзларини кундалигингизга ёзиб борасиз.
- Шахсий гувоҳлик ва “Кўприк” суратидан фойдаланган ҳолда, бошқаларга Хушхабар айтасиз.
- Ҳафталик ва кундалик режа тузиш орқали интизомли бўлишни ўрганасиз. Бунинг учун “ЗАЙЛ” тушунчасининг тўртта қоидасига амал қиласиз.
2:7 туркумининг нашр этилган 5–босқичини буюртма қилинг.
Uz_2-7_book_5b2:7 туркумининг Ўзбек тилига таржима қилинган 5–босқичини кўчиринг
6. Олтинчи босқич давомида сиз қуйидагиларни ўзлаштирасиз:
- Руҳий ҳолатингизни текширишни ўрганасиз.
- Ибодат рўйхатини тузишни ва ундан самарали фойдаланишни билиб оласиз.
- Худонинг Каломи борасида фикр юритишни ўзингизга одат қилиб оласиз.
- “ЗАЙЛ” мавзусини янада чуқурроқ ўзлаштирасиз.
- Оятларни ёд олишни, сокин вақт ўтказишни, Муқаддас Китобни ўрганишни ва Хушхабар айтишни янада маҳорат билан бажарадиган бўласиз.
2:7 туркумининг нашр этилган 6–босқичини буюртма қилинг.
2:7 туркумининг Ўзбек тилига таржима қилинган 6–босқичини кўчиринг